නරකම නරක විභාගෙ..

ඔන්න ඉතින් හැම පාඩමක් අන්තිමේදිම එන විභාගෙ මේ මාසෙත් ආවා.කොච්චර පාඩම් කරත් මේක නම් ඉහේ ඉදන්ම නානව කියල පාඩම පටන්ගත්ත දවසෙමයි මට තේරුනේ.
සුපුරුදු විදියට විභාගෙට කලින් දවසෙ මට උණ ගැනුනා සෙම්ගෙඩිත් එක්කම.(අනේ වාසනාවන්)ඒ හින්ද පාඩම් කිරිල්ලත් බොරු.වැඩට ගියෙත් නැහැ.ගෙදරට වෙලා නිදාගත්තා.

අනේ අපොයි!! ඒ විභාගෙට අහල තිබුන ඒවා..විභාගෙකදි වෙන්න පුලුවන් නරකම ඒව කියල මම හිතාගෙන හිටපු ඔක්කොම වගේ ඒව මට උනා.

1. මෙච්චර දවසක් මතක්වත් නොවී තිබුන ලස්සන සින්දුවක් ඔලුවට ආව.Exam hall එකෙන් එලියට එනකන්ම ආයෙ ඔලුවෙන් ගියෙ නැහැ.

2. මේ ප්‍රශ්නෙට උත්තරේ තියෙන්නෙ මෙන්න මේ Hand out එකේ කියල හොඳටම දන්නව උනාට උත්තරේ මතක් උනේම නැහැ.

3. උත්තර ලියන්න IPM එකෙන් දුන්න පොතෙන් බාගයක් වත් ඉවර උනේ නැතුව මම මොකෙද්ද වගේ බලාගෙන ඉද්දි, කවුදො මන්දා මේසෙට තට්ටු කර කර වැඩිපුර කොල ඉල්ලනවා උත්තර ලියන්න.

4. ඉතුරු පැය 2ක් විතරම මට කරන්න මුකුත් නෑ කියල තේරුනහම මම කලේ exam hall එකේ ඔලුගෙඩි ගාන ගැන්න එක.ඒ විතරක් නෙමෙයි, ඊලඟ විභාගෙට පාඩම් කරලා උඩින්ම පාස් වෙන විදියත් ප්ලැන් කලා.( එව්වටත් මේ සෙතේම නොවේවා!!)

අපොයි දෙයියනේ, Industrial Relations වලට ගිය කලක්..දැන් ඉතින් results එනකන් බෝධි  පූජා තමයි!!